تم كتابت هذا الموضوع في يوم الثلاثاء 23/9/1426هـ

بديت فيه يوم الاحد الساعه 4 العصر وانتهيت منه اليوم بعد صلاة الفجر الساعه 5

الرجاء التكرم بتقيم هذا الموضوع واعطاءه الدرجه التي يستحقها من 10

 الموجوده في اخر الموضوع Comments وذلك بالضغط على كلمة

وابداء رأيك في القصه بكل صراحه

وبدعمكم نتقدم

اخوكم ..  مضيع الباسوورد

][ الدفتر الضائع ][

منول ما كان بوه احد يسووق من عيال عمي واخواني كلهم زغاديد .. وكنا نعاني من مشكله الروحه والرجعه من المدرسه ..

فكرنا بالتكسي بس التكسي ما يكفينا لاننا 9 نفر

فلذلك ابوي قرر يجيب لنا باص ..

جاب واحد اسمه خضر سواق باص بقاله  ..

باصه ملعون ابو جده متهرهل

من برى لونه ابيض وبه خط اخضر يدور على السياره

 تقل باص شرطه

اهاااااا عرفت لييه كل ما جينا للمدرسه هجو الطلاب الي متكيين عن الباب ويدخلون وهم يتصافقون اثرررهم ذرووقين افاا والله طحتووو من عييني آآخ  بس ليتي دااري من زمااان كان لحست مخهم بكم فقشه  عشان محد يحضر للمدرسه
هذي السالفه صارت لي بـ خـامس ابتدائي كان عندنا مدرس رياضيات اسمه حامد البلخي   سروله السنه غادي تقل هيلاهوب   من طولوه وثوبه واصل ركبه من الطوع   وجهوه احمر عصبي شرس قسمن بالله انوه كان يشيلن  مع اذاني ويرفعن عن الارض همن يوخر يدينه  ويصطرررررن طراااق ما حصلللشي

لاني ما اذكر بحياتي اني قد حليت وااجب الا واااحد وهالواجب سااالفته سااالفه انا طفشت كل يوم يسطرن هالسوري وريحته تصرع مخي وعلى فكره ريحته هي سبب فهاوتي (( استغفر الله مداعبه .. سامحني يا حامد بس انا اسبك عشان اقدر اسامحك عن الي سويتوه بي ))
×جـ×ـدول الـ×ـضـ×ـرب×
قسم بالله الي مسميه صاادز

 لاني كل يوم انضرب بسبت هالجدول
يوم من الايام وقفني الاستاذ حامد

وقالي 7 × 7 كم وانا مشغل الاصابع عد سبعه + سبعه + سبعه يوم طولت قلت كم هي 7×9 ؟ ((محاولت تمديد وقت)) قالي ولي عليي سبعه في سبعه كم ولاااااااك   وفي هذه الوهله احمر وجهه زياده على ماهو احمرر

 وتوجنت عيناه

وانجحظ انفه

وصار راسه يدخن ويقول تووووووووت تووووووووت

جا وجرني مع صدري وشالني من فوق الماصه وتسحيب لين وصلت مكتب المرشد الطلابي ..

انا خايف اول مره ادخل غرفه المرشد ..

انا عندي يسوون بي اي بلوى بس يعلمون ابوي معصي احتمال اهج من المدرسه بس ما يعلمون ابوي ..

الاستاذ حامد رماني عند المرشد وقاله مصايبي

وراح يكمل الحصه للطلاب

((ترى ما طلعو كل الطلاب ورانا يشوفون وش السالفه ابد وش دعوا ملاقيف هم ؟؟؟  ))

جا المرشد قالي 7×7 كم ((مدرس الرياضيات ما كان موجود)) قلت سبعه وستين

قالي طيب 9 × 8 كم قلت تسعه وسبعين

قال 6 × 5 كم قلت ثلاثين

 قالي طيب انت شاطر وراه ما تجاوب عند المدرس ((والحمد لله الكمخه طلع كمختن مثلي ما حفض الا جدول 1 و 5 و 10 هههههههه))
قلت شف والله ياستاذ هالمتوحش اذا دخل الفصل احس بحراره على الكرسي واشم روايح واجلس اتخيل نفسي طايح بالجو ويجين طراق ياخي حرام عليكم ضروسي ضيعن اماكنهن كل يوم الضرس يداوم بمكان والله حراام
قالي هو يطقكم لانه يحبكم .. على فكرة يوم اني بالابتدائي قسم تعذيب تقل قوانتنامو (( الله يفك اسرهم )) مدرس يجيب اقلام ويدخلهن بين اصابعك ويرص اصابعك على بعض ويفركهن واذا كان معصب حط مفاتيح وانواع الدمان الي تصبصب على الطاوله ومدرس يقبص تقبييييص انمااا اييه .. هذا الشييخ احمد خليل شاهين الي يطلع باذاعه القران .. الله يجزاه خير كان سوا تجديدات لجلدي كل يوم اغير جلدي تقل حيه وو الشيخ الحديثي من يدخل الفصل واللي الاخضر ((اللي هو اسطوانه دائريه بلاستيكيه تسخدم لحفظ الاسلاك والمدرسين يستخدمونه كـ عصا)) يتهزهز وكل ما جا يطق واحد يقول تدري ان هاللي اطق بوه جن عشان يطلعون من المسكون
عاد انا خوفن بكل شي الا الجن

ما غير اتراقص واتشنج

 كني غيرت الموضوع
نرجع للدفتر
قالي المرشد رح ناد المدرس
رحت لمه وناديته
حتى وانا الي مناديه جارن مع اذني للمرشد ليه مدري
قالي المرشد شف يا ايمن الاستاذ حامد بيعطيك واجب ولو ما جبته بكرى بنادي ابوك يجي للمدرسه
انا جلست اصيح قلت لا لاتجيبون ابوي يطقن ما يخلين انام بالبيت ومن هالهلس لين قالو طيب جب الواجب عشان ما نناديه
اول مر رجعت للبيت امي استغربت ايمن ما رمى الشنطه عند الباب
ورقيت فوق لغرفتنا وافتح الشنطه واطلع كتاب الرياضيات واروح غرفه امي واخذ دفتر ((ما يعترف بالدفاتر توه يفطن لوه)) واكتب اسمي وفصلي وابدا اكتب الواجب ((تراي ناقل الاجوبه من طالب ولا مهب من جودي)) امي استغرربت وش بوه الولد حتى ما راح يتسدح عند التلفزيون يشوف  هايدي كالعاده
جت امي تطق الباب ودخلت

(( الله يخلي لي اميمتنا ويخلي لكم اميماتكم ))

شافتن ماسك دفتر وكتاب وقلم وجالس احل

قالت سلامات يا وليدي ((محاوله تطليع هرج)) وش تسوي

قلت لا بس عندي واجب

قالت اخيراً عطوكم واجب (( انا اهك عليهم يسألونن وراه ما تذاكر اقول ذاكرت يقولون وين واجباتك اقول ما يعطوننا)) قلت ايه الله يغثهم عطونا بس قال المدرس هذا الواجب الوحيد بالفصل ((يزبط وضعه للايام الجايه)) امي راحت لغرفته وجابت لي حلاوي المفضل

 [ حلاو بقر ]

 شهيتكم صح
يوم خلصت حال الواجب واحطه بالشنطه عشان ما انساه ولا اضيعه
راااح اليووم ونسيت سالفه الواجب لان ابوي كان توه جايب لنا كمبيوتر العاائله ومبسوطين عليه ومزلبين كمبيوتر صخر يلعب بوه اخوي الصغير يجمع الغنم بالحضيره ههههههههههه وحنا نصيد حمام بكمبيوتر العائله
بكرى الصبح وحنا بباص خضررر تذكرت الواجب واحمر وجهي من الخوف وافتح الشنطه واطلع الدفتر واقرى الواجب واطمأنيت واجي وارجعه ونسيت اصك السحاب
دخلنا الفصل ومع المضاربات والهوشات نسيت سالفه الدفتر
يوم جت حصة الرياضيات
واشوف الشنطه مفتوحه
يممممممممه
خفت
جلست انبش بسرعه
وين الدفتررررررر
ما لقيته شوي الا ويدخل حامد
ايمن وين الواجب
قلت معي جايبه حاله اصبر شوي والله دقيقه
واطلع كل الكتب الي بالشنطه وااحطهن على الطاوله ومن اللخمه ما شفتوه
واجي واطلع قلت قسمن بالله اني حاله واني نسيت السحاب مفتوح واني

 ((تصريفات العاده عشان كذا مافيه امل يصدقن))
جا وبهدوء شان ما اذاني وطرررخ قالي نهاية الحصه تعاال عندي وليييك من شان نروح عالمرشد يخرب بيتك شو طالب زفت
يوم رجعت للكرسه وانا وجهي بحاله يرثى لها
شلت الكتب كتاب كتاب ودخلتهن بالدرج

وانا وقتها اعيش حالة احباااط وندم على وقتي الي ضيعته احل به الواجب
 شوي الا الدفتر يطيح من وسط كتاب الرياضيات
اثري حطيتوه بوسط الكتاب عشان اذا طلعتوه اتذكروه
واخذ الدفتر واقول شفت يا استاذ هذا الواجب والله اني حاله بس اني  دايم اضيع الدفتر
اول شي سواه قرا الاسم
بعدين فتحه
قال مشالله طيب ليه قلت انك ما حليته
قلت انا اخاف منك
قالي ليه حبيبي انا اطقك عشان مصلحتك عشان تجيب لي الواجب
قلت طيب استاذ المره الجايه اذا ما جبت الواجب لا تطقني لانك طقيتني اليوم وانا جايبه
ضحك
يمه
استاذ حامد يضحك لي
احس انه مسوي انجااااز
 ايمن يجيب واجب

 واحب ابين لكم انه اول واخر واجب جبته في حياتي الابتدائيه

 اتمنـــى اني ما كنت ثقيــل دم عليـــكم

 واتمنــى من كل قلبي ان كل من يقرى مواضيعي يبدي رائيه واكون ممنون له لاني اذا شفت بروود منكم لا ردود ولا اراء ما راح اتشجع واكتب وانا والله اجلس عشر ساعات على الموضوع وتزبيطوه بس عشانكم

 اخوكم  مضيع الباسوورد